الثلاثاء، 10 يونيو 2008

لسة عايش ..ولسة بفلفص


اليوم أكملت فى هذه الحياة ستة وعشرين عاما.ما حققته فيها لا شىء بالنسبة لما أحلم به .وعلى الرغم من ذلك فأنا لم أيأس ولم انهار ،بل اننى اشعر أنى ازداد قوةكلما حدث لى شيئا يكسرنى ،وسيأتى اليوم الذى أصبح فيه من القوة بحيث لا يكسرنى شىء .وسأظل صامدا حتى أموت ..وطالما أنا على قيد الحياة ...فساستمر.

ولسة عايش..

ولسة بفلفص.. عمال اقاوح

وافرك..وارفص

عمال اناطح ف دنيا فانيه

لا قاعد متنبل

ولا داير ابصبص

ومهما تعوج مسيرها تعدل

وتجينى تانى..

وتورينى المرة دى الوش الأولانى

المهم عندى..

انها تكون سمعانى

وأنا بصرخ ومطلعلها لسانى

أنا لسة عايش ولسة..

بفلفص

هناك تعليق واحد:

  1. بسم الله الرحمن الرحيم
    يا فيلسوف امتى سميت نفسك كده بلاش تقلد الفيلسوفه .........
    عموما بجد المدونه تحفه وجميله جدا ...
    وشجعتنى انى اعمل انا كمان مدونه خاصه بى وسوف اسميها الفيلسوفه ، ونقوم من خلالهما بنشر الفلسفه ، ولكن مع التركيز على الفلسفه السياسيه ، ولكن لما انتهى منها سوف اخبرك بها ....

    ردحذف